السلام عليكم ورحمه الله وبركاته
اخواتي ابي اقولكن مشكلتي مع تاخر الحمل
انا مزوجه من اربع سنوات ورزقت بولد وبعده على طول حملت وجبت بنت,,,استخدمت حبوب منع الحمل لمدة شهر وتركتها لان سببتلي متاعب نفسيه
وبعد كذا بدات مشكلتي مع الدوره ماصارت تنزل الا بعلاج سواء اعشاب او حبوب
وبدات مشاوير المستشفيات البعض يقولي لخبطه بالهرمونات والبعض
قول ماعندك تبويض وتعبت نفسيا
ورحت لاكثر من مراه تمرخ وتعالج وصرفت اكثر من الفين ريال بدون فايده
وبديت ابحث بالنت عن الخلطات وكل خلطه سويتها بلا جدوى
وكل شهر احلل ومافي حمل وانزل الدوره بالقرفه والرشاد ومن هالخلطات
بعد كذا دخلت بالصدفه على موقع للعلاج بالطب النبوي ,,وكانوا يتكلمون عن فضل الحجامه والقسط الهندي وفكرت اجربه
وبدات اجازه زوجي ورحنا نتمشى وحاولت انسى مشاكلي النفسيه والحمل
واحنا بالسوق مريا بالصدفه من عند مركز للحجامه قلت لزوجي ابي احجم,,,واخذ زوجي الرقم واتصل عليهم ردت وحده قالت لازم ماتكون الدوره عليها ومش حامل وتجي على الريق
ومن بكره طيران للمركز واحجم 14 كاسه هواء,,,وقلت ابي اجرب معها القسط الهندي وعملت خلطه من اختراعي,,,جبت ربع كيلو عسل سدر وخلطته مع قسط هندي مطحون حتى حصلت على قوام كريمي,,وصرت اكل ملعقه صغيره بعد صلاه الظهروبعدها فنجان ماء زمزم وقبل صلاه العشاء ملعقه وبعدها فنجان ماء زمزم
واكثرت من الاستغفار بعد 15 يوم صار لازم انزل الدوره رحت المستشفى سويت تحليل قالت مافي حمل وشافتني الدكتورة على الموجات الصوتيه قالت فيه سائل حول المبيض اما ان يكون دوره تبي تنزل او يكون فيه حمل اتظري 15 يوم ونعمل تحليل ثاني اذا مافي حمل اعطيك علاج ينزل الدوره ,,وبعد15 يوم رحت للمستشفى سويت تحليل وطلعت النتيجه حامل
والله بكيت من الفرحه وصار الحمل بعد سنتين من تاخره
ادعولي ان الله يثبت حملي واي استفسار انا جاهزه؟؟
[center]